వినయ శీలమున్న విద్య నీకబ్బును
విద్య వలన మనిషి విలువ పెరుగు
విలువ యున్న వ్యక్తి విబుధుందు భువిలోన
సంబరాజు మాట సద్ది మూట


పేద ధనిక యనెడి భేద భావము  లేదు
చదువు  దృష్టి యందు సమము జనులు
కలిమిలేములేవి కావులే యడ్డంకి
సంబరాజు మాట సద్ది మూట

మనసు మంచి చేయు, మంచి బుద్దిని బెంచు
మాయ మోసములను మట్టుబెట్టు
కులము,మతము తెలిపి కుటిలగుణము బాపు
సంబరాజు మాట సద్ది మూట

సంబరాజు శతకం

 

కష్ట కాలమందు కాపాడు కలిమియై
జగతిలోన యేది సాటి రాదు
ఎల్ల కాలమందు ఈడైన చెలిమికి
సంబరాజు మాట సద్ది మూట

శ్రీలవెన్ని యున్న శ్రీకారమే మిన్న
పూర్ణ రూపమదియె పుడమి  యందు
విద్య లేని ధనము విషముతో సమమౌను
 సంబరాజు మాట సద్ది మూట

జారిన అక్షరాలు నవ్వు ముఖంతో

 పడుతున్న ప్రసవ బాధల నుండి
విముక్తమై పురిటి పాపను
చూసుకున్నంత   ఆనందం
తోట్లేలో ఏడుస్తున్న పసిపాపను
లాలించే